سائبر سکیورٹی کے متعلق آگاہی لیکچر کا انعقاد

Image may contain: 2 people
Image may contain: 3 people

موجوہ دور میں ہر شخص انٹر نیٹ سے منسلک ہے لہذاہر شخص کو سائبر سیکیورٹی کے متعلق آگاہی کی ضرورت ہے۔ معاشرے کہ کئی لوگ سائبر کرائم کے متعلق شعور نہ ہونے کے باعث انجانے میں انٹرنیٹ پر کچھ ایسے فعل سر انجام دیتے ہیں جو کہ سائبر کرائم کے زمرہ میں آتے ہیں اور جب کرائم کی تحقیقات ہوتی ہیں تو انہیں مشکلات کا سامنا کرنا پڑتا ہے۔ ان خیالات کا اظہار سائبر سکیورٹی آف پاکستان کے سائبرایکسپرٹ محمداسدالرحمن نے سی ایس ایس امتحا ن کی تیاری کرنے والے طلبا ء و طالبات کو سائبر سیکیورٹی کی افادیت و اہمیت بیان کرتے ہوئے کیا۔ انہوں نے کہا کہ عالمی سطح پر ٹیکنالوجی نے جہاں انسانیت کو فائدہ پہنچایاہے وہیں ٹیکنالوجی کے غیر محفوظ استعمال انسانیت کے لیے نقصان دہ ثابت ہو ئی ہے۔ ٹیکنالوجی کے اس جدید دور میں ہیکنگ کے بڑھتے ہوئے خطرات کے پیش نظر ضرورت اس امر کی ہے کہ سائبر سیکیورٹی کے متعلق شعور حاصل کر کے اپنے سوشل میڈیا اکاؤنٹس اور ڈیٹا محفوظ کریں۔اس موقع پر سائبر ایکسپرٹ محمد اسدالرحمن نے سائبر سیکیورٹی کی ورکشا پ میں شامل ہونے والے طلباء و سٹاف کوتفصیلی آگاہی کے ساتھ ساتھ انہیں اپنا اہم ڈیٹا محفوظ کرنے کا طریقہ عملی طور پر بتایا۔اس موقع پر سائبر سکاؤٹس میں سے صبا منیز رانا اوراعراف جبیں بھی ساتھ تھے۔

اپنا تبصرہ بھیجیں