سائبر مجرم لاکھوں کی کمائی کا جھوٹا دعویٰ کرکے معصوم عوام کو لوٹنے لگے

No photo description available.
No photo description available.
No photo description available.Image may contain: text

سائبر مجرم ایک کلک اور دس لوگوں کو شیئر کرنے پر لاکھوں کی کمائی کا جھوٹا دعویٰ کرکے معصوم عوام کو لوٹنے لگے۔کورونا لاک ڈاون کے باعث جہاں عوام بے روزگاری کا شکار ہیں تو دوسری طرف نوسربازوں کے جھانسے میں آ کر اپنی خطیر رقم سے محروم ہو رہے ہیں۔ان خیالات کا اظہار سائبر سکیورٹی آف پاکستان کے سائبر ایکسپرٹ محمداسدالرحمن نے جعلی آن لائن کمائی کے ذرائع کے مطابق میڈیا سے گفتگو کرتے ہوئے کیا۔تفصیلات کے مطابق ملزمان ناصرف ویب سائیٹ کے ذریعے لوگوں کو پیسے کمانے کا جھانسہ دے کر جعلی ویب لنک پر کلک کرنے کی طرف مائل کرتے ہیں بلکہ یہ ملزمان اس طرح عوام کی حساس معلومات بھی حاصل کرلیتے۔ اشتہارات کے ذریعے لوگوں کو لاکھوں روپے کمانے کا جھانسہ دے کر ان کی ذاتی معلومات حاصل کی جاتی ہیں پھر اس حساس معلومات کو استعمال میں لاتے ہوئے عوام کے اکاؤنٹس سے پیسے نکال لیے جاتے ہیں۔ انہوں نے کہا کہ عوام ایسے دھوکے بازوں سے ہوشیار رہے اور اپنی حساس معلومات شئیر کرنے کی بجائے فوراً متعلقہ اداروں کو دھوکے باز کے متعلق رپورٹ کرے تا کہ اس کے خلاف قانونی کاروائی عمل میں لاتے ہوئے معصوم شہریوں کو اس دھوکے سے بچایا جا سکے۔

اپنا تبصرہ بھیجیں